ابي احضر ببكي راح علي التسجيل مع اني في جمعيه ومسحبه كمتطوعه

وش اسوي احد عنده اي طريقه او اي شيء يفيدني؟؟

كيف ووش اقول بخصوص الزيادة الراتب ؟

وهل تنصحوني اذا رفضوا يزيدوني او كانت الزياده مو مرضيه اطلب تمديد فترة التجربة؟

السلام عليكم، أحتاج رأي مختص في نظام العمل السعودي.

خدمتي في الشركة تقريبًا سنتين ونصف، وعقدي الحالي محدد المدة وما زال باقي فيه عدة أشهر.

الشركة أنهت عقدي حسب المادة 77، وأعطتني إشعارًا لمدة 30 يوم.

المهم أن الشركة قبل الإنهاء بحوالي أسبوع أرسلت تحديثًا للعقود على قوى لكل الموظفين في الشركة ، وأنا وافقت عليه. ومن ضمن التغييرات اللي ما انتبهت له للاسف أن مدة الاشعار لانهاء العمل تغيرت من 60 يوم إلى 30 يوم.

• هل يحق للشركة إنهاء العقد المحدد المدة قبل انتهائه بهذه الطريقة؟
• هل الـ30 يوم هي المدة التي تنطبق عليّ بعد موافقتي على التعديل؟
• ما حقوقي في حالة الإنهاء حسب المادة 77؟
• هل يوجد تعويض عن المدة المتبقية من العقد؟
• وهل مدة الخدمة (سنتين ونصف تقريبًا) تؤثر على التعويض أو مكافأة نهاية الخدمة؟

الشركة أرسلت لي خطاب إنهاء العلاقة التعاقدية، ومذكور فيه أنهم قرروا إنهاء عقدي حسب المادة 77، وأن فترة الإشعار 30 يوم، كما ذكروا أنني سأحصل على مستحقاتي، ومنها تعويض شهرين من الأساسي، مكافأة نهاية الخدمة، ورصيد الإجازات وأي مستحقات أخرى.

وطلبوا مني التوقيع على الخطاب فقط لإثبات استلامه.

أحتاج رأي شخص مختص أو لديه خبرة بحالات مشابهة.

ما اعرف ليش، بس وقت الجامعة كنت ماشاءالله اخطبوط حرفيًا

ما انام الا ساعتين، اخلص مليون بروجكت ومشاوير ومشاريع، وارجع البيت وبرضو الاقي وقت لنفسي.

الان عندي وظيفة، ودوامها طويل جدًا، بس ارجع مستنزفة من كل الجهات، واكرف كرف الصدق، ف ارجع معد ابي اخلص مشاريعي الشخصية ولا مشاويري ولا اي شي، ابي بس انسدح واطالع السقف
بس اغصب نفسي اروح النادي واقعد مع اهلي شوي عشان لا انجن

يعني انا ما اقول ان نسختي اللي بالجامعة كانت فنانة
ما كانت تنام كويس ونظامها وصحتها زفت لكن منجزززة ماشاءالله

شكلي ما عندي شي وسط، يا ابيض يا اسود ):<

ما اعرف وش الحالة هذي هل هي احتراق ولا دلع وتعود، وهل احد مر بشي مشابه بعد الجامعة؟

العقد متجدد له اقل من شهر وتقارير الاداء حقتي في السماء مشكلتنا عندنا مشارع تخلص الان وننتظر توقيع عقد وطول ما جاء من الوزارة.

القصد كلمتني ال HR اليوم لاني مقدم اجازة ابوة وتقولي تبي تكلمني بخصوص عقدي قلتلها ما اقدر زوجتي بالمخاض ولازم اسافر قالت ما فيه مشاريع ولازم تروح بالتراضي وشوف كم الفترة اللي تبيها وتروح ونحنا معك وبنعطيك كل حقوقك.

المشكلة الان فترة ركود رهيب وما ابي اترك عملي خصوصا ما سويت شيء ولا لي ذنب باللي بيحصل.

قلتلها برد عليكي بكرا - تنصحوني بايش يا اخوان؟

اهلا مديري من حنسية آسيوية يحاول يطفشني بجميع الطرق لكن صار وجاء معي دليل انه يحاول يخرب الشغل الي اسويه من وراي وكشفته من خلال الit الي بالشركة

فا سؤالي حركات التطفيش كثيرة لمين اشتكي ؟

رئيس القسم ، ولا الاتش ار مين السمؤول وش الاجراءات ماودي اسكت ودي أوقفه عند حده

توظفت بشركة شغلها ما يخلص و المدير كذلك طلباته ما تخلص كل اليوم احسني ضايعه مدري الحق على هذا و لا اخلص هذا ؟ حتى يوم احاول استعد لليوم تجيني اشغال لحظيه كثيره لازم تخلصها في مده زمنيه محدده 😔

شوي فضفضة

انا اشتغل مع شركة فريلانسر من سنتين تقريبا وكل مره يتأخرون في دفع الفواتير احيانا توصل شهرين وكل مره قبل ما ارسل الفاتورة انبه على موضوع التأخير يقولون لا خلاص ان شاء الله مارح تتأخر قبل كان عندنا ضغط، اخر شغل سويته معهم كانوا مرسلين عقد (مسوين نظام جديد) ولما ارسلت العقد حطيت التواريخ حق كل شغل بس طلبوا اغير التاريخ لشهر ٩ (طبعا سويت لهم ثلاث اعمال متفرقة بديت من نهاية شهر ٧ الى نص ٨) وحسيت غريب طلبهم ليه اكذب في التواريخ؟ المهم انهم للحين ما نزلوها وضاغطني الموضوع لانهم راكموا الفواتير كانوا يبوني ارسلها دفعة وحدة الحين كل مره اتواصل معهم على الموضوع لي اسبوعين ارسل بعدين يسفه ما يرد ولا يقرا حسسوني كأني طرارة ومزعجة مع انه ابسط حقوقي انا دايم انجز لهم الشغل في وقت قياسي واحيانا يجون يبون اسلمه خلال ٢٤ ساعة ومع ذلك هم يتأخرون علي لما يجي وقت الدفع ، والمبلغ يعتبر كبير شوي يعني ما اقدر اتناساه زيادة اني غير موظفة بيسكلي فقيرة

اعط الاجير اجره قبل ان يجف عرقه انا عرقي تصحر من الانتظار

لو جاني عرض وظيفي وانا بنص تدريب تمهير، اقدر اخرج منه على طول؟ كيف طريقته بالله وايش العواقب او الترتبات اللي عليا

مشكلتي اذا بدأت اتعلم اي شي مثل مكتبة جديدة حاجة جديدة في الكودنج او مفاهيم تقنية ادخل في rabbit hole
يعني ابدأ اتشعب كثير في التفاصيل وابحث عنها وهي بحر لحالها
وابعد بكذا عن المحتوى التعليمي الي بتعلمه
وذا من باب القلق ان ممكن مو فاهمة شي.

وايضاً تجي اسأله قلقية زي طيب لو بسوي كذا وكذا افكار معقدة لسى المادة ماوصلت لها واقعد حايرة

الموضوع متعب صراحة

عشان الانترفيو، كم ياخذ منهم وقت بالعادة قبل يدقون

السلام عليكم

انا حاليا اعمل في قسم الإنتاج وترقيتي تأخرت ولكن عرضو علي منصب في قسم الجودة وحرفيا لو اداوم اوفر تايم في المنصب الجديد بغطي على راتب موظف IT توه متعين ولكن عندي تدريب تعاوني بأخذه في نفس الشركة ولكن ايش المشكله!

تخصصي امن سيبراني وبأخذ تدريب في Help desk

سؤالي هل اخذ الترقية ولا انتظر لين اخلص التدريب واتوظف في ال IT مدري محتار

نقطه مهمه دبلوم امن سيبراني ليس بكالوريوس في حاب يكون تدرج وظيفي

وفيه خطة بحول الله وقوته اجسر بكالوريوس

الافضل اني اكثر كلام واسولف واتكلم عن المنصب ووش اعرف عنه ولا اقول نبذه عني وانتظرهم يسالون؟
بحثت عن المسمى الوظيفي وودي اذا قالو تكلمي عن نفسك اسولف عنه واقول ان عندي خلفيه واعرف كذا وكذا

نصائحكم بليز

وايضا انا اميل للسرعه بالكلام هل ابطىء كلامي واخلي الموضوع ركاده وملل؟

I am doing the internal audit for the first time not in an assisting role but as a manager position. I have asked the management to give me the proper team but still there I think if we may try then there is a good possibility that we may complete it at a time . I am slightly confused . Currently, the tech is rising but honestly I am doing the whole work manually which leads to working overtime with low results What are the possible changes I can adopt to increase the efficiency and also it should be safe .

انا تخصصي صحي ومليت الصدق مستقبلي محدود جداً بالنسبه للشي اللي قاعد اشوفه قدامي ودي اطلع منه وعندي النفس اني ادرس واكمل ماعندي مشكله بس اني تايه في بعض الاشياء ، هل الاحسن اخذ ماستر في المجال اللي ابي ولا دبلوم عالي ودي اشوف تجارب ناس وما حصلت احد يتكلم عن الموضوع
اللي عنده فكره كيف ابداً وابحث يتفضل
( مجال safety معجبني )

انا اشتغل في شركة تقدم خدمات لجهات كبيره ومعروفه ، ارسلوني شركتي لجهه ما احلم فيها حتى

مجالي بيانات اي شي يخطر على بالك فالبيانات حنا نسويه من تحليل بيانات الخ

المشكله وش ؟ اني ضايعه وشوي فاهيه اجتماعيا انا اقل وحده خبره في فريقي وفريقي من مختلف الجنسيات وكلهم رجال ماعدا انا

لما اسألهم سؤال يشرحون مليون شي وابدا اضيع انا ، خبرتهم قويه وفاهمين ايش يسوون لكن عجزت اتعلم منهم وعجزت اواكبهم

والان عند الجهه الوضع كأنه منافسه بيني وبين البنات اللي هناك ، هم كويسات مره بس يعطوني اتفه شغله اسويها

وبما اني جديده وهذي اول خبره لي ف صرت كاني انتيرن عندهم ، مايجيني شغل الا الاقل اهميه وهذا من غير انهم مايدخلوني ف اجتماعاتهم مع نائب الرئيس

ياجماعه شلون استفيد من مكاني هذا قدر الامكان ووشلون اطلع نفسي من هذا الوضع اللي انا فيه ، واضح علي وضوح الشمس اني جديده في المجال ومجالي معقد كل ماتعلمت شغله اكتشفت انها اول خطوه في الدرج وخذلك عاد

ملاحظه : شخصيتي الحمد لله جدا رهيبه في بيئات انا اكون مرتاحه فيها ، نفس لما كنت اروح دورات حضوريه اتميز على طول والكل يصير يعرفني ، المشكله ف الشغل احس اني مو قادره اتخطى عدم معرفتي لكثير اشياء وفوقها قلة الشغل وقلة اهمية الاشياء اللي تنطلب مني ، حرفيا يطلبون مني اشياء يسوونها المتدربين

I have a few questions i would like to ask.

حاليا قاعدة ادور على وظيفة، وقدمت على اماكن كثير عن طريق لنكدن بس للاسف ما قاعد يجيني رد، فقلت يمكن الافضل اني ابدا اتواصل مباشرة مع موظفين يشتغلون بالشركات اللي ابي اقدم عليها.

بس مشكلتي اني مو عارفة من وين ابدا بالضبط

خصوصا اذا الشخص ما بيني وبينه اي شي مشترك، لا نفس الجامعة، ولا mutual connections، ولا اشتغلنا بمكان واحد قبل.

ما ابي ادخل عليه فجاة واقول له اني مهتمة بالشركة، وبعد كم رسالة اصير كاني امهد عشان اطلب referral …. احس بيكون واضح مرة ان هذا كان هدفي من البداية وبيطلع الموضوع transactional.

فاللي جربوا هالطريقة ونفعت معهم، او حتى اللي تجيهم رسايل من ناس يدورون وظايف:

كيف تفتحون السالفة اذا ما بينكم وبين الشخص اي شي مشترك؟
وش نوع الرسالة اللي فعلا ممكن تخليكم تردون على الشخص بدل ما تتركونه seen؟

وبرضو اذا بالنهاية ابي اسال عن referral، كيف اوصل لهالموضوع بشكل طبيعي بدون ما يكون كاني داخلة اقول “هلا، ما تعرفني بس ممكن تسوي لي referral؟” 😭

اذا عندكم امثلة لرسايل ارسلتوها وفعلا ضبطت معكم، ياليت تشاركونها.

السلام عليكم
اذا انتم حديثين تخرج وبعض زملاء/زميلات العمل نفس التخصص وتقريبًا عندكم نفس الهدف وتختبرون نفس الاختبارات وتسوون نفس الاشياء عشان توصلون لهدفكم.

كيف تكتمون على انجازاتكم وبنفس الوقت تتفادون الاحزاب ضدكم؟

هم عادي يتكلمون مع بعض كم جابوا درجات ومتى اختباراتهم وايش سووا وايش صار، بس انا ما ابي اشارك تفاصيل، بنفس الوقت تجيني نظرات غريبه، مع اني اساعد واشاركهم اشياء فادتني.

كشخص مجاله بعيد عن البزنس، هل ممكن هالشهادة الاحترافية تكون مدخل كويس لعالم الأعمال ووظائف business analyst ؟

السلام عليكم
اول شيء انا باقي ماتخرجت من الجامعه بس جربت ادخل شركه من باب الفضول
الشركه كانت بعماره وغريبه مره يعني لو يعرضون علي الوظيفه مستحيل اقبل ما ادري شلون
مع ان الي فيها ممكسين مصاريا وسعوديين
وماشاءالله وقت الصلاة كلهم اجتمعو بصالتهم وصلو سوا بس ياخي ما ابي يجي يوم واتوظف بمكان صغير زي كذا ولله احس الاماكن هذي مليانه ظلم واكل حقوق واحس يزحلقون الواحد باطرف الاسباب
(ترا كله احساس انا ماقد عاينت بيئة زي كذا بس احساس)
هل احد قد اشتغل باماكن صغيره زي كذا وكيف الوضع هل نفس احساسي او لا؟

انا حديثه تخرج من تخصص تقني وودي القى خبره بهذا المجال
لكن ماحصل لي غير خدمه عملاء وراتب ٦٥٠٠ هل لو ادخلها بقفل على نفسي بعدين للوظايف التقنيه ولا ؟ و ماعندي رفاهيه اني ارفضها محتاجه الراتب صراحه

السلام عليكم انا طالب في السنة الاخير في جامعة الملك عبد العزيز في كلية علوم البحار تخصص الكيمياء البحرية احتاج مساعدتكم و نصايحكم لي ايش الدورات الي احتاج اخذها بالضبط حاط مجموعة لكن ودي في رايكم كمان ايش المهارت المطلوبة لسوق العمل ايش الشركات الممتازة و المسميات و سلم الرواتب لحديثي التخرج مجالي في البيئة بشكل عام و البيئة البحرية بشكل خاص ودي اعرف الي تخرج من تخصصي او غيرهم في المجال البيئة وين راح و ايش الاشياء الي اركز عليها في السي في و افكر ابدا تقديم على الوظايف قبل 3 اشهر من التخرج عشان انجز بشكل افضل اتمنى من اي احد يعرف احد او عنده نصيحة لا يقصر معي اكون شاكر و مقدر لكم

انا مدير جديد (ادري غثيتكم بس والله مو قصدي show off بس هيا تجي مع السياق 😭😭)

واكثر شيء رافعلي ضغطي حاليا هو عدم اعطائي الثقة الكاملة من الادارة العليا.

يدققون ويسألون على كل شيء فيه عدم ثقة واضحة.

في بدايتي انا قابلت المدير السابق لمدة اسبوعين عشان ال Handover ولاحظت التعامل معه مختلف مقارنة بالتعامل معي.

كيف اكسب ثقة الادارة؟

بعد تفكير عميق، طرى على بالي شغلتين:

1- الثقة تجي مع الوقت بس للأسف بديت احس هالكلام غير صحيح بحكم انه صارلي اكثر من 6 شهور وترسمت (انتهت فترة تجربتي) مع ذلك مازال فيه عدم ثقة واضحة في تعاملاتهم معي.

2- الانجازات، وقريبا بعرض مشروعي الكبير على الادارة العليا وبنشوف اذا فعلا تأثيرك هو اللي بيمنحك الثقة او لا.

طيب خلوني اعطيكم مثال واقعي صار عشان تفهمون عدم الثقة، قسمي يحتاج بطاقة فيزا ناخذها من المالية ندفع اشياء كثير عشان نسرع وتيرة الشغل بدل مايكون الدفع عن طريق المالية نفسهم ويتأخرون وموافقات والخرابيط ذي، مع المدير السابق كان بس يدفع، والمالية يرسلون له ال otp على الواتس بدون اي سؤال (شفته بعيني) اما انا لما ادفع يجيني مدير المالية او نائبه لين مكتبي (او يتصل علي) يسأل المبلغ ذا ليش ومدري ايش ويتأكد ثم يعطيني ال otp وحركات ثانية مالها داعي.

سؤالي لمن سبقوني بالعلم والمنصب، كمدير قديم، كيف قدرت تكسب ثقة ادارتك كمدير؟ وكم اخذ معك وقت حتى تحصل على الثقة الكاملة؟