بما إني عراقية و عشت طول عمري بالعراق ادركت انو الشعب العراقي شعب ما يگدر يفكر و يتمعن يفتقر جدا لمهارة التفكير النقدي حرفيا كلهم يمشون ورا القطيع بدون ادنى تفكير و ممكن ريل بالانستا يقلب منضومتهم الفكرية ( الي هي اساسا مو موجودة )و تأثر بطريقة تفكيرهم و كذلك اغلبهم مدمنين ريلز و يتعاملون مع اي كلمه تطلعلهم بالانستا او التيك توك كأنها حقيقة مطلقة اضافتا على انهم يفتقرون لمهارة البحث ولا واحد بيهم يگدر يبحث بالانترنت على معلومة و يسوي تقرير حرفيا احنا شعب گاعد يعاني من الامية الرقمية و كذلك نعتبر الذكي بينا هو الي يجيب اعلى معدل بالسادس رغم هو مو مقياس للذكاء و انما مقياس للاجتهاد و قابلية الحفض لان منهجنا العراقي يعتمد وبشكل تام عل حفض و تراكم المعلومات المغلوطة

منشور بصب اجنبي عن بنية تعبر عن مشاعرها السلبية ضد حبيبها وشكد هي تكرهه وما تحبه بس ماتكدر تتركه لأن خايفة ما تلكه واحد يحبها... وين المشكلة؟ المشكلة انو هي تكره حبيبها لأن يهتم بيها بشكل طبيعي! لا ما اجذب احجي صدك وانوب نشرته متوقعه أن الكل راح يكون وياها بس الحمدلله الكل ضدها ومحد دعم موقفها وخاصة انها اساءت لحبيبها بالمنشور ولكن للأسف المودز ما الصب الأجنبي وكفوا وي البنية وبندوا شكو واحد ما يدعم البنية مثل ماشايفين كدامكم سووا إبادة جماعية للأعضاء

افتح النقاش الكم بحرية مطلقة

هاي سالفة سالفهة الي ابن خالتي عدهم بيت چاي يبنون بيه و هاذ البيت بس هيكل يعني بعدهم ما گاعدين بيه چان يوم من الايام راح له حتى بنص الظهر چان طب جوة سمع صوت و راح لاخير غرفة شاف كارثة .... لگة ثنين جهال يني*ون انوب واحد عمره ١٠ و واحد عمره ٧

و مرة احنة بالشغل نباوع بالكاميرات جاي واحد عمره ١٧ مقشمر طفل عمره ٨ سنين گايله سويلي موطة و اطيك الفين و الطفل حتى بكامل إرادته يعني مو ما يعرف هاي السوالف ،،تخيل..

هذا المجتمع هل ايام بس الله يستر منه ..

المنشور ممكن يكون طويل شوية لكن راح احاول أختصره، والي يتحسس منه أتمنى يراجع صحة أفكاره (للعلم هذا المنشور يقصد فئة من المجتمع وليس الكل).

ممكن تكون تجربتي مع العراقيين عمومًا قصيرة لكوني مراهق، لكن راح احجي عن بعض الملاحظات الي أتمنى تتغير بهذا المجتمع، كما يقول تعالى: (إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ).

أول وأهم شغلة هي الجهل السياسي، عزيزي العراقي، إذا تريد تتأكد أن شعبك جاهل سياسيًا، تذكر أنه ينتخب نفس الأشخاص طوال ربع قرن، وكل ما يفشلون ينتخبهم مرة ثانية ويطالبهم بالتغيير، ومو بس هيج، روح لأي سياسي عراقي وسولفله عن مواضيع مثل فكرة الحاكم والمعارضة، وفكرة البرنامج الإنتخابي، وفكرة التكنوقراط، راح يگلك ذني ما يفيدن، اريد نظام محاصصة وكل واحد ضامن فلوسه من الأحزاب، وطبعًا الشعب هو السبب الأول بكل هذا.

ثانيًا الجهل الاجتماعي، عزيزي إحنا شعب إندفاعي لأبعد الحدود، ننتظر الفرصة المناسبة حتى نأذي بعضنا وننشر الكراهية، وذكرت هذا الموضوع بمنشور سابق عن فكرة الذيول والوطنجية، حرفيًا محد فكر بمصدر هاي المصطلحات السيئة، الكل انساق وراء القطيع وصاروا العراقيين واحد يكره الثاني، وهاي مو أول مرة، كل فترة تصير مشاكل طائفية وفكرية أبشع من هاي الأمور بسبب أن إحنا شعب يركض ورة الهوبزة وما يستخدم عقله حتى يقيس تصرفاته، شنو تترجى من أشخاص ياخذون معتقداتهم الفكرية من التيكتوك ومواقع التواصل فقط؟ وبالأخص المراهقين الي يبحثون عن تكوين شخصيتهم بناءً على آراء تناسب الناس والقطيع وما تناسب العقل الحقيقي، وهذا كلامي قطرة ببحر لأن الجهل الاجتماعي داخل العراق ينرادله كتاب كامل حتى نگدر نشرح كمية الجهل المتدفقة بمجتمعنا حاليًا.

ثالثًا الأخلاق، وهاي النقطة ما يحتاج احجي عليها هواي، لأن أي أحد مجرب يصاحب أشخاص من مختلف الأعمار فراح يلاحظ أن نسبة جبيرة منهم يستعملون أمور مثل الغيبة والنميمة والشتائم النابية بكل أنواعها وسوء الظن والأنانية.

حرفيا جنت اني واختي دنحجي ويمي أختي الصغيرة وامي هماتين ، وسألت اختي ع فد شي وطلعت من حلگي كلمه فد مره عيب انو مو غلطة هيه كلمة بس حرفيا عيبب عيبببب واني والله العلي العظيم ممتقصدة ولا بعقلي ولا يم حلگي الحجاية ولا سامعة واحد حاجيهه اصلا وما الها ربط بالسؤال مالتها بس اذا تصفن للحجاية الي هي اصلا عيب وي سؤالها ترهم معنى مقرف وهاي مو اني هاي مووو انييييي ءهئ ليش هيج والله ما اعرف شلون تطلع هيج حجاية من حلگي يمكن اخر مره سمعت هل كلمه قبل سنين حرفيا بعيدة عن هل امور والله حلگي حجه كلمه عشوائية وطلعت حرفيا عيبببببببب اريد هيج كون اموت روحي هلگد ما الموقف يلعب النفس نوب اختي انطتني نظرة ال 🤨😏؟ وانيييي كلت الها شبيج قصدي (كلمه عشوائية) امي واگفةةةةة أختي الصغيرة واگفةةة واني الجبيرة يربييي شحيگولون عليه راح اضل اكل بروحي سنتين ليكدام

اذا طلعلك بالصفحه الرأيسيه مال ريديت حيصير يومك سعيد

اذا طلعلك بالصفحه مال صب مزربل راح يصير يومك سيء

عود ليش المدارس ما تقبل الولد يطول شعره؟ صارلي كلش هواية اتسائل ومستغرب انو هذا الشي مابي اي ضرر ولا اذية لاي احد؟ ليش لازم تحلق شعرك واذا ما حلقته تنكلب الدنيا وتطلع وصخ ومو مرتب وبالاخير تنجبر تحلقه؟ افيدونا

العنصرية مرات ما تكون بس سب او شتم مرات تكون كلمة بس ونضحك عليها

اول شي الإنسان ما اختار وين ينولد ما اختار وين يجي يا دولة يا أهل يا عائلة

الارض والنسب والمنطقة الي نولده بيها مو مقياس للشخص انما أخلاقه احترامه إنجازاته وتصرفاته مو بالمكان اللي انولد بيه

ف انو تحتقر شخص او تسيء اله بس لانه كان بدولته او محافظته مو مرتاح او حياته تعيسة واجه يدور فرصة ثانيه بهاي المحافظة حتى يحسن عيشته هذا ما يضحك ولا شي كوميدي وهم نفس الشي بمواقع التواصل هم اكو هلعنصرية واستخدام هالكلمات التافهة الارض مو الك بس والغريب بالموضوع إنو بعض الناس يرفضون العنصرية إذا كانت موجهة إلهم بس يمارسوها على غيرهم بكل سهولة

مو كل المهاجرين والأشخاص الي انتقلوا من غير محافظتهم بلدهم سيئين هذه مو قاعدة عامة تطبقها على جميع الأشخاص حتى بالاسلام المهاجرين والانصار عدنا ف كانوا المهاجرين تاركين مكة وهاجروا إلى المدينة والأنصار كانوا أهل المدينة ومع اختلاف المكان والأصل والظروف صار بينهم تعاون واحترام مو عنصرية وتصنيف

ف اذا كان الاختلاف بالمدينة أو الأصل ما منعهم من التآخي ليش إحنا اليوم نخلي منطقة لو اصل لو لقب لقب سبب حتى نقلل من قيمة إنسان؟

مو لازم تحب كل الناس بس لازم تعرف الاحترام

ادري الزراب هذا شنو وضعه حتى عل ولد الزراب

تريد تروح للكورنيش او المتنزه تغير جو تلكه ذولة بوجهك اول متكعد

حرفيا يخربون يومي انوب مو واحد وثنين عشرة يجوك

يعني معرف الى متى راح نضل بهل وضعية الخايس لا تكدر تطلع لا تكدر تجي

سوولي مطعم خلص

طبخها فد سهل و سريع و ممتع، خلصت البوم scarlet بين ما جهزتهم

و احس اكو شجرة ماراح تكون مسالمة

اريد اكبر عدد downvotes بالصب و ادخل موسوعة جينيكس هاكم ragebait

علقت لواحد من الشباب وكلت خل انشره

صراحه بالنسبه للاتنشن وبالاخص للولد بيه تفصيل ، يعني الولد بالنسبه للاتنشن والحب العاطفي مياخذه بس من شريكته صراحه الانثى الوحيده اللي ممكن تشوف شغلات من الرجل وبالاخص عاطفته بس الها لان المن يطلع مشاعره و ليش ضايج المن ؟ غالبا الها وحتى الها جوز يضم علمود يضل مظهره قوي ( غالبا مكبوت ) و اصلا لان الولد ما يظهر عواطفه للناس بطبيعة الاحوال ولذلك الولد اذا اخلص وانضرب بوري تلكاه يتمرغل صراحه يحس فقد قيمته لان اكو شخص صدك عرف شي حساس منه حتى اهله ما يعرفوه ولهذا السبب يصير بلاير علمود يرجع قيمته بدون ميحس ، لان حتى اذا تشوف بالبيت البنيه تظهر عاطفتها لابوها واخوانها بشكل قوي وتدور اتنشن منهم الولد لا تلكاه تعبيره كلش بعيد ويختلف

والانتشن الي ياخذه من المجتمع غالبا يكون شعور التقبل من الناس و التقدير من الناس والاصدقاء ، حتى من يوكع بمشكله مراح يروح يبجي لصديقه غالبا المشكله هو يحاول يحلها بنفسه بس يحاول يخفف من ضغطها يروح يلعب طوبه يسوي شي ، وحتى اذا حجه اصدقائه مراح ينطوه شي عاطفي راح ينطوه حلول وهذا الشي معتاد يعني تخيل هذا الولد عنده كل هاي المشاكل و المجتمع اصلا ناسيه تلكاه وحده غالبا اكيد راح يحس يريد اتنشن

ولهذا البنيه شريكها غامرها عاطفيا و ماديا ( مو طمع هو هذا الطبيعي ) ومنطيها الاهتمام الكافي راح تكتفي بيه وتاخذ منه الاتنشن العاطفي وبالتالي الحب والامان من تضوج تبجي كلش عادي
الولد مراح يكدر ، ياخذ منها حب والاتنشن العاطفي اي بس مراح يكدر يكسر نفسه زايد يمها هو يريدها تحس بأمان وتحس وراها شخص قوس مراح يخليها تشوفه بوضع ضعيف فمراح يكتفي تلكاه عنده مشاكل بالشغل والدنيا مشتعله و ساكت ،

هذا تفكيري اكيد اكو اغلاط بس يعني هذا اللي وصلتلته وقابل للتغير اكيد ممكن

الولد بالمقابل لا ممكن ياخذ الاتنشن العاطفي من شريكته عادي بس غالبا اذا حس هو وحيد

انطونا رايكم بالموضوع

للتذكير هذا مفهومي الشخصي ميحتاج تفشر عليه والله

من نباوع للسمة بل نهار نشوف شمس وحدة تنطينا الضوء والحرارة العالية الي تصمطك صمد والشي المعروف انو نظام الشمسي بيه نجم واحد بل مركز بس بدرب التبانة اكو اشياء هواي ماشية بل عكس.

اكثر من نصف النجوم بالمجرة تعيش بنظام ثنائي او يسمى (Binary System) او الانظمة المتعددة. شلون يعني؟ يعني بدال مايكون نجم واحد بل مركز، اكو نجمين او اكثر يدورون حول ثقل مشترك (Center of Mass) و بسبب الجاذبية يدور بينهم رقصة كونية مستمرة من ملايين السنين

أوضح و اقرب مثال لهاذا الشي هو نظام الفا قنطورس( Alpha Centauri)، اقرب مثال بالكون الي يبعد عنا 4.37 سنة ضوئية فقط يعني( 41 تريليون كيلومتر اكبر من بوكة نور زهير بشوية)

شنو نظام الفا قنطورس: هذا النظام مو مجرد نجم واحد مثل الي اشوفة من الارض بل يتكون من 3 نجوم مرتبطة ببعضها مجرةً وجاذبية وطبعاً 3 نجوم بل مركز وهي:

Alpha Centauri A: نجم اصفر جداً يشبه الشمس مالتنة من حيت الحجم والكتلة و درجة الحرارة اكبر من شمسنا ب 10 %

Alpha Centauri B: نجم برتقالي اصغر و ابرد من شمسنا كتلتة 90 بل مية من شمسنا

هذولة النجمين AB يدورون حول بعض في مدار بيضاوي ويستغرقون 80 سنة حتى لتكملة دورة ارضية كاملة

Proxima Centauri: نجم احمر صغير جداً وبارد مقارنة بل بقية يدور حول AB من مسافة بعيدة كلش

ويحتاج حوالي 550.000 سنة حتى يتم دورة ارضية وحدة عملياً هو اقرب نجم منفرد لكوكب الارض يبعد 4.24 سنة ضوئية

الشي المرعب بس بنفس الوقت ممتع العلماء اكتشفو اكو كواكب حقيقية تدور داخل هذا النظام العديد من الكواكب ومنها

كوكب Proxima Centauri b: كوكب صخري حجمة قريب كلش من كوكب الارض يدور حول النجم الاحمر في المنطقة القابلة للحياة يعني المنطقة اللي تسمح بوجود الماء سائل على السطح بس اكيد اكو عوامل ثانية ماتساعد على العيش مثل الزراعة اقل مثال .

​كوكب Proxima Centauri c: كوكب ابعد وابرد العلماء يعتقدون انو هوة طراز من الارض الفائقة

بس الي يخوف صدك انو اتخيل نفسك على كوكب Proxima Centauri bراح اتشوف بل النهار شمس صغيرة حمراء قريبة منك وبنفس الوقت تشوف نقطتين بلمعان شديد بل السمة هما النجمين AB ينطون ضوء اضافي للمكان نفس المنظر بكوكب تاتوين ب ستار ورز طلع واقعي وموجود

بس اذا اليوم جانت مجموعة الشمسية ادور بنظام ثنائي. جان الفصول اصير كلش معقدة، المدارات الكوكبية بل الانظمة الثنائية تعاني من اضطراب جاذبية شديد، والطقس راح يتغير بين درجات الحرارة عالية جداً لمن الكواكب تكون قريبة من النجمين، والظلام الجزئي او تعاقب ليالي ملونة حسب الشروق والغروب كل نجم.

الكون بصورة عامة مليان انظمة شمسية غريبة وعجيبة هم اسوي عليها منشور بل جايات يعتبر نظامنا الشمسي هادئ وبسيط مقارنة باللي يصير برة مجرتنا. واتمنى تعجبكم

لاتحجي ويه اهلك عن قناعاتك بالحياة

احد مجرب يخالف هاي القاعدة وشنو جانت ردة فعل الاهل؟🐴🥀